துபாய் நாட்டில் வசித்துவரும் ஜொகிந்தர் சிங் சலாரியா என்ற தொழிலதிபர் பெஹல் என்ற பெயரில் தொண்டு அமைப்பு ஒன்றை நடத்திவருகிறார்.
இவர் துபாயில் சிறு குற்றங்களுக்காகக் கைது செய்யப்பட்டு நாடு திரும்ப முடியாமல் தவித்துவந்த கைதிகளுக்குப் பேருதவி ஒன்றை தற்போது செய்துள்ளார். பாகிஸ்தான், வங்கதேசம், ஆப்கானிஸ்தான், நைஜீரியா, உகாண்டா, சீனா, எத்தியோப்பியா உள்ளிட்ட நாடுகளைச் சேர்ந்த 13 கைதிகள் நாடு திரும்ப உதவும் வகையில் போக்குவரத்து ஏற்பாடுகளைச் செய்து தந்துள்ளார். அத்துடன் தனது செலவிலேயே பயணச்சீட்டையும் வாங்கித்தந்துள்ளார் சலாரியா.