சீனாவில் கடந்தாண்டு இறுதியில் பரவத் தொடங்கிய கோவிட்-19 வைரஸ் தொற்றின் தாக்கம் தற்போது குறைந்துள்ளது. இருப்பினும் இத்தாலியில் வைரஸ் தொற்றின் தாக்கம் கடந்த சில வாரங்களாகவே அதிகரித்துவருகிறது. அந்நாட்டில் முதியவர்களின் மக்கள் தொகை அதிகம் என்பதால் சீனாவைவிட உயிரிழப்புகள் அதிகரித்தன.
இந்நிலையில், இத்தாலியில் நேற்று மட்டும் 4,789 பேருக்கு கோவிட்-19 வைரஸ் தொற்று இருப்பது உறுதிசெய்யப்பட்டது. இதன்மூலம் வைரஸ் தொற்றால் பாதிக்கப்பட்டவர்களின் எண்ணிக்கை 63,927ஆக உயர்ந்துள்ளது. இந்த வைரஸ் தொற்று ஒருநாளில் எட்டு விழுக்காடு அதிகரித்துள்ளது. தொற்று பரவத் தொடங்கிய பிப்ரவரி 21ஆம் தேதி முதல் மிகக் குறைந்த அளவில் வைரஸ் பரவல் பதிவுசெய்யப்பட்டது இதுவே முதன்முறையாகும்.