இத்தாலியில் ஒரே நாளில் 133 பேர் கொரோனாவால் உயிரிழப்பு!

ரோம்: இத்தாலி நாட்டில் கொரோனா வைரஸ் தொற்று காரணமாக ஒரேநாளில் 133 பேர் உயிரிழந்துள்ளனர்.

சீனாவின் வூஹான் மாகாணத்திலுள்ள ஹூபே நகரில் முதலில் பரவத் தொடங்கிய கோவிட் 19 (கொரோனா வைரஸ்) தொற்றின் காரணமாக இதுரை மூன்றாயிரத்திற்கும் மேற்பட்டோர் உயிரிழந்தனர். சீனாவில் கோவிட் 19 வைரஸால் பாதிக்கப்பட்டவர்கள் எண்ணிக்கை தற்போது குறைந்துவந்தாலும், மற்ற நாடுகளில் வேகமாகப் பரவிவருகிறது.

அதிலும் குறிப்பாக ஐரோப்பாவிலேயே இத்தாலிதான் கடுமையாகப் பாதிக்கப்பட்டுள்ளது. இந்த வைரஸ் தொற்றை தடுக்க அந்நாட்டு அரசு சார்பில் பல்வேறு நடவடிக்கைகள் எடுக்கப்பட்டுவருகின்றன.

இந்நிலையில், கோவிட் 19 வைரஸ் தொற்றின் காரணமாக நேற்று ஒரேநாளில் இத்தாலியில் 133 பேர் உயிரிழந்தனர். இதன்மூலம் இத்தாலியில் இந்த வைரஸ் தொற்றால் உயிரிழந்தவர்களின் எண்ணிக்கை 366ஆக அதிகரித்துள்ளது.

அதேபோல பாதிக்கப்பட்டவர்களின் எண்ணிக்கையும் ஆயிரத்து 492 லிருந்து ஏழாயிரத்து 375ஆக உயர்ந்துள்ளது.

இதையும் படிங்க: கொரோனா பாதிப்பால் இந்தியாவில் முதல் உயிரிழப்பு ?