அயர்லாந்தில் கார்க் பகுதியில் வசித்துவருகிறார்கள் கால்வின் - மேரி தம்பதி. இவர்களுக்கு பிரியா (5), நோவா என இரண்டு பெண் குழந்தைகள் உள்ளன. இரண்டு நாள்களுக்கு முன்பு, கால்வின் காலையில் பணிக்குச் சென்ற பிறகு மேரி தனது குழந்தைகளுடன் வீட்டில் இருந்துள்ளார். அப்போது, திடீரென்று மேரிக்கு வலிப்பு ஏற்பட்டு தரையில் விழுந்துள்ளார். இதைப் பார்த்த சிறுமி பிரியா பயந்து அதிர்ச்சி அடைந்துள்ளார்.
தாயை எப்படியாவது காப்பாற்ற வேண்டும் என்று நினைத்த சிறுமிக்கு, திடீரென்று ஒரு யோசனை ஏற்பட்டுள்ளது. மேரியின் ஐபோனில் உள்ள ஃபேஸ்டைம் செயலியைப் பயன்படுத்தி தனது தந்தையை தொடர்புகொண்டுள்ளார். அதில், 'அப்பா பயமாக இருக்கிறது. அம்மா தேநீர் அருந்திக்கொண்டே தரையில் விழுந்துவிட்டார்கள்' என்று கூறி தனது கேமராவை சுற்றியும் காட்டியுள்ளார்.
அப்போது, கால்வின் தனது மனைவி தரையில் கிடப்பதைப் பார்த்து நிலைமை சரியில்லை என்பதை அறிந்துகொண்டார். இதையடுத்து, உடனடியாகக் கால்வினால் வீட்டிற்குச் செல்லமுடியாத காரணத்தினால், மேரியின் தங்கையை தொடர்புகொண்டு விஷயத்தை சொல்லியுள்ளார்.