அமெரிக்க அதிபராக டொனால்டு ட்ரம்ப் பதவியேற்றபின், ஆப்கானில் இருக்கும் அமெரிக்கப் படைகளை திரும்பப்பெறும் நடவடிக்கைகளை தீவிரமாக மேற்கொண்டார். அதன்விளைவாக அமெரிக்காவுக்கும், பயங்கரவாத அமைப்பான தலிபானுக்கும் இடையே அமைதி ஒப்பந்தம் அன்மையில் நிறைவேற்றப்பட்டது.
இந்த ஒப்பந்தத்தின் ஒரு முக்கிய அம்சமாக ஆப்கான் சிறையில் உள்ள 5 ஆயிரம் ஆப்கான் பயங்கரவாதிகளை விடுவிக்க வேண்டும் என்ற கோரிக்கை முன்வைக்கப்பட்டது. அதற்கு அமெரிக்கா ஒப்புக்கொண்ட நிலையில், தலிபான்கள் இதுபோன்ற கோரிக்கைகளை ஆரம்பத்திலேயே திணிப்பது முறையல்ல, ஜனநாயக அரசின் ஆலோசனைக்குப் பின்னரே முடிவு மேற்கொள்ளப்படும் என ஆப்கான் அதிபர் அஸ்ரஃப் கானி தெரிவித்தார்.