கடந்தாண்டு இறுதியில் சீனாவில் பரவத் தொடங்கிய கோவிட் 19 வைரஸ் தொற்றின் காரணமாக பலர் பாதிக்கப்பட்டுள்ளனர். சீனாவில் வைரஸ் தொற்றின் தாக்கம் படிப்படியாக குறைந்துவந்தாலும், மற்ற நாடுகளில் கோவிட் 19 வைரஸின் தாக்கம், தற்போதுதான் அதிகரித்துள்ளது.
தென் கொரியாவில் நேற்று ஒரே நாளில் 84 பேருக்கு இந்த வைரஸ் தொற்று இருப்பது உறுதி செய்யப்பட்டுள்ளது. நூற்றுக்கும் குறைவான நபர்கள் இந்த வைரஸ் தொற்றால் தென் கொரியாவில் பாதிக்கப்படுவது, இது மூன்றாவது நாளாகும். இதன் மூலம் இந்த வைரஸ் தொற்றால் தென் கொரியாவில் பாதிக்கப்பட்டவர்களின் எண்ணிக்கை 8,320ஆக உயர்ந்துள்ளது.