இந்திய - வங்கதேச உறவில் பொற்காலம் இது: பிரதமர் மோடி நெகிழ்ச்சி

டெல்லி: இந்திய - வங்கதேச உறவு கடந்த ஐந்தாண்டில் புதிய உச்சங்களைத் தொட்டுள்ளதாகப் பிரதமர் நரேந்திர மோடி பெருமிதத்துடன் தெரிவித்துள்ளார்.

வங்கதேச நாட்டின் பிதாமாகனாகக் கருதப்படும் ஷேக் முஜ்பூர் ரஹ்மானின் நூற்றாண்டு பிறந்தநாள் விழா வங்கதேசத்தில் நேற்று கொண்டாப்பட்டது. இந்த விழாவில் நேரில் பங்கேற்க பிரதமர் நரேந்திர மோடிக்கு அழைப்புவிடுக்கப்பட்டிருந்தது.

கரோனா வைரஸ் பாதிப்பு அச்சம் காரணமாக இந்த விழாவில் மோடி நேரடியாகக் கலந்துகொள்ளாத நிலையில், காணொலிக் காட்சி மூலம் பங்கேற்று பேசினார்.

விழாவில் இந்திய - வங்கதேச உறவு குறித்து பெருமிதமாகப் பேசிய மோடி, உலகில் பயங்கரவாதம், வன்முறையை கையிலெடுத்த நாடுகள் தற்போது பின்தங்கியுள்ள நிலையில், வளர்ச்சியைக் கையிலெடுத்த வங்கதேசம் புதிய உச்சங்களைத் தொட்டுவருகிறது என்றார்.

கடந்த ஐந்து ஆண்டுகளில் இருநாட்டு உறவும் அடுத்தக் கட்டத்திற்கு நகர்ந்துள்ளதாகத் தெரிவித்த மோடி, இந்த உறவு தற்போது பொற்காலத்தை எட்டியுள்ளது என்றார்.

வரும் 2022ஆம் ஆண்டு இந்தியாவின் 75ஆவது சுதந்திர தினம் கொண்டாடப்படவுள்ள நிலையில், வங்கதேசத்தின் 50 சுதந்திர தினமும் கொண்டாடப்படவுள்ளது நினைவுகூரத்தக்கது என்றார் மோடி.

இதையும் படிங்க:கரோனா எதிரொலி: பிரேசிலில் 1,500 கைதிகள் தப்பியோட்டம்!