காஷ்மீர் பிரச்னை: அமீரக இளவரசருடன் இம்ரான் ஆலோசனை

இஸ்லாமாபாத்: காஷ்மீர் பிரச்னை குறித்து ஐக்கிய அமீரகத்தின் பட்டத்து இளவரசர் முகமது பின் ஸையத் அல் நையாவுடன் பாகிஸ்தான் பிரதமர் இம்ரான் கான் நேற்று தொலைபேசியில் ஆலோசித்துள்ளார்.

ஜம்மு-காஷ்மீருக்கு வழங்கப்பட்டுவந்த சிறப்பு அந்தஸ்தானது கடந்த 5ஆம் தேதி குடியரசுத் தலைவரின் ஒப்புதலுடன் நீக்கப்பட்டது. மேலும், அம்மாநிலம் ஜம்மு-காஷ்மீர், லடாக் என இரண்டு யூனியின் பிரதேசங்களாகப் பிரிக்கப்பட்டுள்ளது.

இந்தியாவின் இந்த நடவடிக்கைகளுக்கு கடும் கண்டனம் தெரிவித்துவரும் பாகிஸ்தான், இந்தியாவுடனான தூதரக, வணிக உறவுகளை முறித்துக்கொண்டது. மேலும், காஷ்மீர் விவகாரத்தை சர்வதேசப் பிரச்னையாக்குவது குறித்து பாகிஸ்தான் தொடர்ந்து தீவிரமாக முயன்று வருகிறது.

இதன் தொடர்ச்சியாக, ஐக்கிய அரபு அமீரகத்தின் பட்டத்து இளவரசர் முகமது பின் ஸையத் அல் நையானை தொலைபேசியில் நேற்று தொடர்புகொண்டு பாகிஸ்தான் பிரதமர் இம்ரான் கானுடன் ஆலோசித்தார்.

மேலும், காஷ்மீர் தொடர்பாக பாகிஸ்தான் எடுத்த அனைத்து முயற்சிகளும் தோல்வியில் முடிந்துள்ளதென்பது குறிப்பிடத்தக்கது.