உலகளவில் ஒரே நாளில் 12 ஆயிரம் பேர் கரோனாவால் உயிரிழப்பு!

உலகளவில் நேற்று ஒரே நாளில் 12 ஆயிரத்து 706 பேர் கரோனா தொற்று பாதிப்பால் உயிரிழந்துள்ளனர்.

உலக நாடுகளை மிரட்டும் கரோனா வைரஸை கட்டுப்படுத்த முடியாமல் பல முன்னணி நாடுகளே திணறி வருகின்றன. வைரஸ் தடுப்பூசி மருந்து கண்டுபிடிப்பதில் விஞ்ஞானிகள் தீவிரமாக களமிறங்கியுள்ளனர். பல நாடுகளில், தடுப்பூசி மருந்துகள் மனிதர்களுக்கு செலுத்தப்பட்டு பரிசோதிக்கப்பட்டு வருகிறது.

இதுவரை உலகளவில் 6 கோடியே 85 லட்சத்து 68 ஆயிரத்து 678 பேர் கரோனாவால் பாதிக்கப்பட்டுள்ளனர். உயிரிழந்தோரின் எண்ணிக்கை 15 லட்சத்து 63 ஆயிரத்து 132ஆக அதிகரித்துள்ளது. வைரஸிலிருந்து குணமடைந்தவர்களின் எண்ணிக்கை 4 கோடியே 74 லட்சத்து 62 ஆயிரத்து 801 ஆக அதிகரித்துள்ளது.

கரோனா அப்டேட்

நேற்று ஒரே நாளில் மட்டும் 6 லட்சத்து 3 ஆயிரத்து 164 பேர் கரோனாவால் பாதிக்கப்பட்டுள்ளனர். 12 ஆயிரத்திற்கும் மேற்பட்டோர் உயிரிழந்துள்ளனர்.

அதிகப்பட்சமாக அமெரிக்காவில் 2 லட்சத்து 93 ஆயிரம் பேர் கரோனா தொற்றால் உயிரிழந்துள்ளனர். உலகளவில் கரோனா அதிகம் பாதித்த நாடுகளில் இந்தியா இரண்டாவது இடத்தில் உள்ளது குறிப்பிடத்தக்கது.