உலகளவில் 12 லட்சத்தை தாண்டிய கரோனா உயிரிழப்புகள்!

உலகளவில் கரோனா தொற்றால் உயிரிழந்தோர் எண்ணிக்கை 12 லட்சத்து 405ஆக அதிகரித்துள்ளது.

உலக நாடுகளை மிரட்டும் கரோனா வைரசை கட்டுப்படுத்த முடியாமல் பல முன்னணி நாடுகளே திணறி வருகிறது. வைரஸ் தடுப்பூசி மருந்து கண்டுபிடிப்பதில் விஞ்ஞானிகள் தீவிரமாக களமிறங்கியுள்ளனர். நூற்றுக்கணக்கான மருந்துகள் பரிசோதனை கட்டத்தில் உள்ளன.

இதுவரை உலகளவில் 4 கோடியே 63 லட்சத்து 94 ஆயிரத்து 211 பேர் கரோனாவால் பாதிக்கப்பட்டுள்ளனர். உயிரிழந்தோரின் எண்ணிக்கை 12 லட்சத்து 405ஆக அதிகரித்துள்ளது. வைரஸிலிருந்து குணமடைந்தவர்களின் எண்ணிக்கை 3 கோடியே 34 லட்சத்து 87 ஆயிரத்து 910 ஆக உயர்ந்துள்ளது.

நேற்று ஒரே நாளில் மட்டும் 4 லட்சத்து 95 ஆயிரத்து 621 பேர் கரோனாவால் பாதிக்கப்பட்டுள்ளனர். 6 ஆயிரத்திற்கும் மேற்பட்டோர் உயிரிழந்துள்ளனர். அதிகப்பட்சமாக அமெரிக்காவில்தான் 94 ஆயிரம் கரோனா பாதிப்புகள் பதிவாகியுள்ளன. மேலும், உலகளவில் கரோனா அதிகம் பாதித்த நாடுகளில் இந்தியா இரண்டாவது இடத்தில் உள்ளது குறிப்பிடத்தக்கது.