உலகளவில் 10 லட்சத்தை கடந்த கரோனா உயிரிழப்பு!

உலகளவில் கரோனா தொற்றால் உயிரிழந்தோர் எண்ணிக்கை 10 லட்சத்து 2 ஆயிரத்து 452ஆக அதிகரித்துள்ளது.

உலக நாடுகளை மிரட்டும் கரோனா வைரசை கட்டுப்படுத்த முடியாமல் பல முன்னணி நாடுகளே திணறி வருகிறது. இதற்கு தடுப்பு மருந்து கண்டுபிடிப்பதில் விஞ்ஞானிகள் தீவிரமாக களமிறங்கியுள்ளனர். நூற்றுக்கணக்கான மருந்துகள் பரிசோதனை கட்டத்தில் உள்ளன.

இதுவரை உலகளவில் 3 கோடியே 33 லட்சத்து 10 ஆயிரத்து 953 பேர் கரோனாவால் பாதிக்கப்பட்டுள்ளனர். உயிரிழந்தோரின் எண்ணிக்கை 10 லட்சத்து 2 ஆயிரத்து 452 ஆக அதிகரித்துள்ளது. குணமடைந்தவர்களின் எண்ணிக்கை 2 கோடியே 46 லட்சத்து 39 ஆயிரத்து 64ஆக உயர்ந்துள்ளது.

நேற்று ஒரே நாளில் மட்டும் 2 லட்சத்து 52 ஆயிரத்து 203 பேர் கரோனாவால் பாதிக்கப்பட்டனர். 3 ஆயிரத்திற்கும் மேற்பட்டோர் உயிரிழந்துள்ளனர். மேலும், உலகளவில் கரோனா அதிகம் பாதித்த நாடுகளில் இந்தியா இரண்டாவது இடத்தில் உள்ளது குறிப்பிடத்தக்கது.

கரோனா அப்டேட்