பாகிஸ்தானின் ஆக்கிரப்பு காஷ்மீர் பகுதியில் நேற்று மாலை 5.6 என்ற ரிக்டர் அளவுகோலில் நிலநடுக்கம் ஏற்பட்டது. இந்த நில அதிர்வு அங்குள்ள பல வீடுகள் சேதமடைந்தன.
மேலும், 26 பேர் உயிரிழந்தனர், 300-க்கும் மேற்பட்டோர் படுகாயமடைந்து மருத்துவமனையில் அனுமதிக்கப்பட்டு சிகிச்சை மேற்கொண்டுவருகின்றனர்.
நிலநடுக்கம் குறித்து அறிந்த அந்நாட்டு பேரிடர் மீட்புப் படையினர் நிகழ்விடத்துக்கு விரைந்துவந்து மீட்புப் பணியில் தீவிரமாக ஈடுபட்டுவருகின்றனர்.
இது குறித்து, பாகிஸ்தானின் வானிலை ஆய்வு மையம், அடுத்த 24 முதல் 48 மணி நேரத்தில் இதேபோன்ற மோசமான நிலநடுக்கம் ஏற்பட வாய்ப்பிருப்பதாக அந்நாட்டு மக்களை எச்சரித்துள்ளது.
இதேபோல் இந்தியாவில் உள்ள டெல்லி, காஷ்மீர், பஞ்சாப் உள்ளிட்ட பகுதிகளிலும் லேசாக நிலநடுக்கம் ஏற்பட்டுள்ளது. இதனால் மக்கள் யாரும் அஞ்சவேண்டாம் என அரசு சார்பில் கேட்டுக்கொள்ளப்பட்டுள்ளது.
இதையும் படிங்க : பப்புவா நியூ கினியாவில் சக்தி வாய்ந்த நிலநடுக்கம் - மக்கள் பீதி!
