கொரோனா வைரஸ் பாதிப்பு சீனாவின் அண்டை நாடான தென்கொரியாவில் தற்போது கடும் தாக்கத்தை ஏற்படுத்தியுள்ளது. அந்நாட்டில் நோய் பாதிப்பால் இதுவரை 16 பேர் உயிரிழந்துள்ள நிலையில், நோயால் பாதிக்கப்பட்டவர்களின் எண்ணிக்கை 3 ஆயிரத்தைத் தொட்டுள்ளது.
இதையடுத்து, அந்நாட்டில் கொரோனா எமர்ஜென்சி நிலையை ஆரஞ்சில் இருந்து ரெட்டுக்கு மாற்றி அந்நாட்டு அரசு உத்தரவிட்டுள்ளது. தென்கொரியா நாட்டிற்குப் பயணம் செல்லவும் அங்கிருந்து பயணிகள் வருவதையும் தற்காலிகமாக நிறுத்திவைத்து இந்தியா உள்ளிட்ட சர்வதேச நாடுகள் நடவடிக்கை மேற்கொண்டுள்ளன.