மூணு வரைக்கு ஓகே... குடும்ப கட்டுப்பாடு விதிகளை தளர்த்திய சீனா; காரணம் என்ன?

சீனாவில் தம்பதிகளுக்கு மூன்று குழந்தைகள்வரை பெற்றுக்கொள்ள அனுமதி வழங்கி அந்நாட்டு அரசு புதிய உத்தரவு பிறப்பித்துள்ளது.

உலகிலேயே அதிக மக்கள்தொகை

உலகின் அதிக மக்கள்தொகை கொண்ட நாடாக சீனா நீண்ட நாள்களாக திகழ்ந்துவருகிறது. 130 கோடிக்கும் அதிகமான மக்கள்தொகை கொண்ட சீனாவில், மக்கள்தொகை பெருக்கத்தை கட்டுப்படுத்த, கடுமையான குடும்பக் கட்டுப்பாடு விதிகள் உள்ளன. முன்னதாக, தம்பதி ஒரு குழந்தைக்கு மேல் பெற்றுக்கொள்ளும் பட்சத்தில் அவர்கள் வீட்டிற்கு சீல் வைத்து சிறை தண்டனை, அபராதம் என்ற அளவிற்கு கட்டுப்பாடு விதிகள் அமைக்கப்பட்டிருந்தது.

தலைகீழான நிலைமை

சீனாவின் இந்த குடும்ப கட்டுப்பாடு விதிமுறைகள் அவர்களுக்கு தற்போது சிக்கலை உருவாக்கியுள்ளது. அந்நாட்டில் மூத்த குடிமக்களின் எண்ணிக்கை பெருகிவரும் சூழலில், வேலைக்கு செல்லும் இளைய தலைமுறையினரின் எண்ணிக்கை பெரும் சரிவைக் கண்டுள்ளது. இதன் தாக்கமாக அந்நாட்டின் பொருளாதார வளர்ச்சி கேள்விக்குள்ளாகும் அபாயம் எழுந்துள்ளது.

அதிகரிக்கும் மூத்த குடிமக்களின் எண்ணிக்கை

சரிகட்ட புதிய தளர்வுகள்

இந்த சூழலை உணர்ந்துகொண்ட சீனா அரசு குடும்பக் கட்டுப்பாடு விதிகளில் தற்போது புதிய தளர்வுகளை அறிவித்துள்ளது. அதன்படி, நாட்டில் மகப்பேறு எண்ணிக்கையை அதிகரிக்கும் விதமாக ஒரு தம்பதி மூன்று குழந்தைவரை பெற்றுக்கொள்ள அனுமதி வழங்கப்பட்டுள்ளது. மேலும் அவர்களுக்கு பேறு கால விடுப்பு, மருத்துவக் காப்பீடு போன்ற சலுகையும் வழங்கப்படும் என உத்தரவில் கூறப்பட்டுள்ளது.

விளையாடும் குழந்தைகள்

அடுத்த 10 முதல் 15 ஆண்டுகளில் மக்கள்தொகை சீனாவை இந்தியா தாண்டிவிடும் என்றும், இந்த நூற்றாண்டின் இறுதியில் இந்தியாவை மிஞ்சி நைஜீரியா, உலகின் அதிக மக்கள்தொகை கொண்ட நாடாக இருக்கும் என ஆய்வு தகவல்கள் தெரிவிக்கின்றன.

இதையும் படிங்க:காற்றில் பரவும் வீரியமிக்க புதிய வைரஸ் கண்டுபிடிப்பு!