அமெரிக்க மேலவை உறுப்பினருக்கு கரோனா

வாஷிங்டன்: அமெரிக்க நாடாளுமன்ற மேலவை உறுப்பினர் ரான்ட் பால் கரோனா வைரசால் பாதிக்கப்பட்டுள்ளார்.

அமெரிக்காவில் கரோனா வைரஸ் தாக்கம் நாளுக்கு நாள் தீவிரமடைந்துள்ள நிலையில், வைரஸ் பாதிப்பு நாடாளுமன்றத்தையும் விட்டுவைக்கவில்லை. ஏற்கனவே அந்நாட்டின் நாடாளுமன்ற உறுப்பினர்கள் இருவருக்கு கரோனா பாதிப்பு உறுதியாகியுள்ள நிலையில், தற்போது மேலவை உறுப்பினர் ஒருவரும் கரோனா வைரசால் பாதிக்கப்பட்டுள்ளார்.

அமெரிக்க நாடாளுமன்றத்தில் காங்கிரஸ் எனப்படும் கீழவையைச் சேர்ந்த குடியரசு கட்சி உறுப்பினர் பென் மெக் ஆடம்ஸ் என்பவருக்கும், ஜனநாயகக் கட்சி உறுப்பினர் மரியோ பாலார்ட் என்பவருக்கும் கடந்த வாரம் கரோனா வைரஸ் பாதிப்பு உறுதியாகியுள்ளது. நேற்று செனட் எனப்படும் மேலவையின் உறுப்பினரான ரான் பால் என்பவரும் கரோனா வைரசால் பாதிக்கப்பட்டுள்ளார்.

இது குறித்து அவர் தனது ட்விட்டர் பக்கத்தில், தான் சீராக இருப்பதாகவும் வைரஸ் பாதிப்பிலிருந்து முற்றிலும் விலகும்வரையில் தனிமையில் இருக்கப்போவதாகவும் தெரிவித்துள்ளார்.

ரான்ட் பாலுக்கு கரோனா அறிகுறி பெரிதும் இல்லை இருப்பினும் அதிக பயணம் மேற்கொண்டதால் முன்னெச்சரிக்கைக்காக இந்த பரிசோதனையை அவருக்கு மேற்கொண்டாதாக அவரின் மருத்துவர் தெரிவித்துள்ளார். அமெரிக்காவில் இதுவரை 452 பேர் கரோனா வைரஸ் பாதிப்பால் உயிரிழந்துள்ளனர்.

இதையும் படிங்க:கரோனா சந்தேகம்: தனிமையில் ஜெர்மனி அதிபர்