அமெரிக்க அதிபர் தேர்தல் வரும் நவம்பர் 3ஆம் தேதி நடைபெறவுள்ளதையடுத்து, அங்கு தேர்தல் களம் சூடுபிடித்துள்ளது. குடியரசுக் கட்சி சார்பில் போட்டியிடும் வேட்பாளரும், தற்போதைய அதிபருமான டொனால்ட் ட்ரம்ப், ஜனநாயகக் கட்சி வேட்பாளர் ஜோ பிடன் இருவரும் இறுதிகட்ட பரப்புரையை தீவிரமாக மேற்கொண்டு வருகின்றனர்.
அதிபர் தேர்தலின் முக்கிய நிகழ்வாகக் கருதப்படும் அதிபர் வேட்பாளர்களின் முதல் பொது விவாதம், அந்நாட்டின் க்ளீவ்லாந்த் நகரில் நடைபெற்றது. இதையடுத்து, இரண்டாவது விவாதம் வரும் அக்டோபர் 22ஆம் தேதி அந்நாட்டில் உள்ள பெல்மோன்ட் பல்கலைகழகத்தில் நடைபெறவுள்ளது.