அமெரிக்காவில் அட்லாண்டா பகுதியில் பிரபஞ்ச் அழகி 2019 போட்டி நடைபெற்று வருகிறது. இதில் பல நாட்டு அழகிகள் கலந்து கொண்டு சிறப்பித்தனர். இதில், நீச்சல் உடையில் நடந்து வரும் போட்டி நடத்தப்பட்டது. அப்போது, பல நாட்டு அழகிகள் தங்களுக்கென்று தனிபாணியில் நடந்து அசத்தினர்.
அப்போது, பிரான்ஸ் அழகி மேவா கூக்கே மேடையில் ஈரப்பதம் அதிகமிருந்த காரணத்தினால், திடீரென்று வழுக்கி கீழே விழுந்தார். இதை பார்த்த அனைவரும் ஒரு நிமிடம் அதிர்ச்சியில் உறைந்தனர். ஆனால், மேவா பதறாமல் பொறுமையாக எழுந்து, புன்னகையுடன் மீண்டும் வீரநடைப் போட்டார்.
இதைப் பார்த்த பொது மக்கள், கைகளை தட்டி அவரை உற்சாகப் படுத்தினர். மேலும் பல அழகிகள் மேடையில் வழுக்கி விழுவது போல் தடுமாறியதால், போட்டி உடனடியாக சிறிது நேரம் நிறுத்தப்பட்டு, தரையில் இருந்த ஈரப்பதம் சரிசெய்யப்பட்டது.