ஹாங்காங் குற்றவாளிகளை சீனாவுக்கு நாடு கடத்தும் கைதிகள் பரிமாற்ற சட்டத்திருத்த மசோதாவுக்கு எதிராகவும், ஜனநாயகத்தை காக்க வலியுறுத்தியும் ஹாங்காங் அரசை எதிர்த்து கடந்த இரண்டு மாதங்களுக்கு மேலாக, அந்நாட்டு மக்கள் போராட்டத்தில் ஈடுபட்டுவருகின்றனர்.
இதில், ஏராளமான பொதுமக்கள், காவல்துறையினர் காயமடைந்துள்ளனர். இந்த போராட்டத்தால் ஹாங்காங் பொருளாதாரம் நலிவடைந்துள்ளதாக அந்நாட்டு நிர்வாகத் தலைவர் கேரி லாம் கவலை தெரிவித்துள்ளார்.
இந்தப் போராட்டத்துக்கு சீனா கடும் கண்டனம் தெரிவித்துள்ளது. மேலும், ஹாங்காங் எல்லையில் துணை ராணுவப்படையினரை சீனா நிறுத்திவைத்திருப்பதாக, சிஎன்என் ஊடகம் செய்தி வெளியிட்டுள்ளது.