உலக அளவில் கரோனா பரவல் தொடர்ந்து தீவிரமடைந்து வருகிறது. இதுவரை ஆறு கோடியே ஒரு லட்சத்து ஆறாயிரத்து 417 பேர் கரோனாவால் பாதிக்கப்பட்டுள்ளனர். உயிரிழந்தோரின் எண்ணிக்கை 14 லட்சத்து 14 ஆயிரத்து 873ஆக அதிகரித்துள்ளது.
வைரஸ் தொற்றிலிருந்து குணமடைந்தவர்களின் எண்ணிக்கை நான்கு கோடியே 15 லட்சத்து 54 ஆயிரத்து 497ஆக அதிகரித்துள்ளது. கடந்த 24 மணிநேரத்தில் ஐந்து லட்சத்து 90 ஆயிரத்து 326 பேர் பாதிக்கப்பட்டுள்ளனர். 12 ஆயிரத்து 836 பேர் உயிரிழந்துள்ளனர்.
உலக அளவில் அதிக கரோனா பாதிப்புகள் அமெரிக்காவில் பதிவாகியுள்ளது. இதுவரை அந்நாட்டில் ஒரு கோடியே 29 லட்சத்து 55 ஆயிரத்து ஏழு பேர் பாதிக்கப்பட்டுள்ளனர். இரண்டு லட்சத்து 65 ஆயிரத்து 891 பேர் உயிரிழந்துள்ளனர். அமெரிக்காவுக்கு அடுத்தபடியாக அதிகம் பாதிக்கப்பட்ட நாடாக இந்தியா இரண்டாம் இடத்திலும், பிரேசில் மூன்றாம் இடத்திலும் உள்ளது. அதேவேளை உயிரிழப்பு அதிகம் கொண்ட நாடுகளின் பட்டியிலில் பிரேசில் இரண்டாம் இடத்திலும், இந்தியா மூன்றாம் இடத்திலும் உள்ளது.
இதையும் படிங்க:வெள்ளை மாளிகையை தாக்க முயன்றதாக இளைஞர் ஒப்புதல்!