அமெரிக்க நிறுவனங்களுக்கு பொருளாதார தடை விதிக்கவுள்ள சீனா!

பெய்ஜிங்: ஹாங்காங் சுயாட்சி சட்டத்தில் அமெரிக்க அதிபர் டொனால்ட் ட்ரம்ப் கையெழுத்திட்டதற்கு பதிலளிக்கும் விதமாக, சீனாவில் உள்ள அமெரிக்க பணியாளர்கள் மற்றும் நிறுவனங்களுக்கு எதிராக பொருளாதாரத் தடைகளை விதிக்கவுள்ளதாக சீனா தெரிவித்துள்ளது.

உலகையே அச்சுறுத்திய கரோனா வைரஸ் மாற்றம் குறித்த விவரங்களை மறைத்த சீனாவுக்கு பதிலடி கொடுக்கும் விதமாகவும், அமெரிக்காவில் கரோனா வைரஸை கட்டுப்படுத்த அந்நாட்டு அரசு தவறிவிட்டதாக பல்வேறு குற்றச்சாட்டுகள் எழுந்த நிலையிலும், அமெரிக்க அதிபர் டொனால்ட் ட்ரம்ப் , ஹாங்காங் சுயாட்சி சட்டத்தில் கையெழுத்திட்டுள்ளார்.

அதிபர் ட்ரம்ப்பின் இந்த நடவடிக்கைக்கு சீனா கடும் கண்டனம் தெரிவித்துள்ளது. தங்களது நாட்டின் உள் விவகாரங்களில் அமெரிக்கா தலையிடுவது குறித்தும் சீனா எச்சரித்துள்ளது.