வாஷிங்டன்: லாஸ் ஏஞ்சல்ஸ் மேயர் எரிக் கார்செட்டியை இந்திய நாட்டுக்கான புதிய அமெரிக்க தூதராக நியமித்து அந்நாட்டு அதிபர் ஜோ பிடன் உத்தரவிட்டுள்ளார்.
இவர், கொலம்பியா பல்கலைக்கழகத்தில் சர்வதேச விவகாரங்களில் முதுகலைப் பட்டம் பெற்றார். பிரிட்டனில் உள்ள ஆக்ஸ்போர்டு பல்கலைக்கழகத்தில் சர்வதேச உறவுகள் குறித்து படித்துள்ளார். அரசியலில் நுழைவதற்கு முன்பு, ஆக்ஸிடெண்டல் கல்லூரி மற்றும் தெற்கு கலிபோர்னியா பல்கலைக்கழகத்தில் (யு.எஸ்.சி) ராஜதந்திரம் மற்றும் சர்வதேச உறவுகள் குறித்த பாடங்களைக் கற்பித்துள்ளார்.