கோவிட்19 பெருந்தொற்றுக்கு அமெரிக்காவில் 11 இந்தியர்கள் உயிரிழந்தனர். அவர்கள் அனைவரும் ஆண்கள். இதில் பத்து பேர் நியூயார்க் நகரையும் ஒருவர் நியூ ஜெர்சியையும் சேர்ந்தவர். உயிரிழந்த 11 பேரில் நான்கு பேர் டாக்ஸி ஓட்டுனர்கள். இவர்கள் தவிர 16 இந்தியர்களும் கோவிட்-19 வைரஸ் பெருந்தொற்றால் பாதிக்கப்பட்டுள்ளனர். அதில் நால்வர் பெண்கள்.
இந்த 16 பேரும் தனிமைப்படுத்தப்பட்டு அவர்களுக்கு சிகிச்சை அளிக்கப்பட்டுவருகிறது. உலகை உலுக்கும் கோவிட்-19 வைரஸ் பெருந்தொற்றினால் அமெரிக்கா கடுமையாக பாதிக்கப்பட்டுள்ளது. அந்நாட்டில் தற்போதுவரை நான்கு லட்சத்துக்கும் அதிகமானோர் கோவிட்-19 பெருந்தொற்றினால் பாதிக்கப்பட்டுள்ளனர்.