'தாரை தப்பட்டை' படத்தின் மூலம் வில்லனாக அறிமுகமானவர் ஆர்.கே.சுரேஷ். இவர் தயாரிப்பாளராக வெற்றி பெற்றிருந்தாலும் கதாநாயகனாக வெற்றிபெற வேண்டும் என்பதே இவரது ஆசை. சமீபத்தில், இவரது நடிப்பில் வெளிவந்த பில்லா பாண்டி படுதோல்வியடைந்தது. தற்போது 'கொச்சின் ஷாதி அட் சென்னை 03' என்ற படத்தில் நடித்துவருகிறார். தமிழ், மலையாளம் இரு மொழிகளில் உருவாகி வரும் இப்படத்தை மலையாள இயக்குநர் மஞ்சித் திவாகர் இயக்கியுள்ளார். 'கொச்சின் ஷாதி அட் சென்னை 03' படத்தின் படப்பிடிப்புகள் நிறைவடைந்து ரிலீஸ்க்கு தயாராகி வருகிறது.
வரலட்சுமியை கழற்றிவிட்ட விஷால் -ஆர்.கே.சுரேஷ்
நடிகர் விஷால் தனக்கு தேவைப்படும்பொழுது எல்லாரையும் பயன்படுத்திக்கொண்டு கழற்றி விடுகிறார் என ஆர்.கே.சுரேஷ் பேசியது பெரும் சர்ச்சையை ஏற்படுத்தியுள்ளது.
விஷால், வரலட்சுமி
இந்நிலையில், இப்படத்தின் இசை வெளியீட்டு விழா நேற்று சென்னையில் நடைபெற்றது. நிகழ்ச்சியின்போது பேசிய ஆர்கே.சுரேஷ், மலையாள சினிமாவில்ஈகோ இல்லை. நட்பு ரீதியாக அனைவரும் ஒன்றாக செயல்படுகின்றனர். மம்முட்டி நடித்த மதுர ராஜா படத்தில் நடித்தபோது புதிய அனுபவம் கிடைத்தது. தொடர்ந்து மலையாள படங்களில் நடிப்பேன். நடிகர் சங்க தேர்தலை பொறுத்தவரை எனது ஆதரவு விஷாலை தவிர்த்து யார் நின்றாலும் பக்க பலமாக நிற்பேன். விஷாலுக்கு எதிராக போட்டியாளரை நிறுத்த தயார்.
விஷால் பிறரை தனது தேவைக்கு பயன்படுத்திக்கொண்டு கழற்றிவிடுகிறார். உதயா, ஜே.கே.ரித்திஷ், வரலட்சுமி உள்பட பலபேர் இந்த லிஸ்டில் இருக்கின்றனர். வரலட்சுமியை நட்பாக பழகி கழற்றிவிட்டார் தவறான அர்த்தத்தில் கூறவில்லை. ஏன் இவ்வாறு நடந்துகொள்கிறார் என்பது தெரியவில்லை என்று ஆர்.கே.சுரேஷ் கூறினார்.