மார்ச் 5ஆம் தேதி வெளியாகும் அன்பிற்கினியாள்

தந்தை மகள் பாசத்தைச் சொல்லும் அன்பிற்கினியாள் திரைப்படத்தின் வெளியீட்டுத் தேதி அறிவிக்கப்பட்டுள்ளது.

அருண்பாண்டியன் நீண்ட இடைவெளிக்குப்பின் நடிக்கும் திரைப்படம் அன்பிற்கினியாள். இப்படத்தை கோகுல் இயக்கியுள்ளார். மலையாளத்தில் வெளியாகி வெற்றிபெற்ற ஹெலன் படத்தின் தமிழ் வடிவம்தான் இப்படம். இப்படத்தில் அருண்பாண்டியன் தந்தையாகவும் கீர்த்தி பாண்டியன் மகளாகவும் நடித்துள்ளனர்.

உண்மை தந்தை மகளே இப்படத்திலும் தந்தை மகளாக நடித்துள்ளனர். இப்படத்திற்குத் தணிக்கைக்குழு யு சான்றிதழ் அளித்துள்ளது. இப்படம் வரும் மார்ச் மாதம் 5ஆம் தேதி வெளியாகும் என்று படக்குழு அறிவித்துள்ளது.