தமிழ் சினிமாவில் தனக்கென ஒரு இடம்பிடித்து ரசிகர்கள் மத்தியில் விருப்பமான நடிகராக இருப்பவர் விஷ்ணு விஷால். இவரது நடிப்பில் சமீபத்தில் வெளியான எஃப்.ஐ.ஆர் திரைப்படம் பெரும் வரவேற்பைப் பெற்றது.
தற்போது வித்தியாசமான கதைக்களத்தில் ’மோகன்தாஸ்’ என்ற படத்தில் நடித்து முடித்துள்ளார். இப்படம் கூடிய விரைவில் வெளியாகவுள்ள நிலையில், இப்படத்தின் டீசர் சமீபத்தில் வெளியாகி ரசிகர்களிடையே பெரும் வரவேற்பைப் பெற்றது.
இந்நிலையில், இவர் சில காலம் சமூக வலைதளங்களில் இருந்து விலகி இருக்க முடிவு செய்துள்ளதாக திடீரென அறிவித்துள்ளார். இதுகுறித்து அவர் தனது ட்விட்டர் பக்கத்தில், “வாழ்க்கையில் ஓய்வு என்பது மிக முக்கியம். நான் சமூக வலைதளங்களில் இருந்து சிலகாலம் ஓய்வு எடுத்துக்கொள்கிறேன். விரைவில் மீண்டும் சந்திப்போம்” என்று பதிவிட்டுள்ளார். இது இவரது ரசிகர்கள் இடையே அதிர்ச்சியை ஏற்படுத்தியுள்ளது. சமீபத்தில், இவருக்கும் நடிகர் சூரிக்கும் நில விவகாரத்தில் மோதல் ஏற்பட்டு அந்த விவகாரம் நீதிமன்றம் வரை வந்தது குறிப்பிடத்தக்கது.
இதையும் படிங்க: 'நான் உனை நீங்கமாட்டேன்..!' - ட்விட்டரில் இளையராஜா யாரைக் குறிப்பிட்டார்?