சென்னை:2D நிறுவனம் சார்பில் நடிகர் சூர்யா தயாரிக்க, இயக்குநர் முத்தையா இயக்கத்தில், கார்த்தி நடித்துள்ள படம், ’விருமன்’. இயக்குநர் ஷங்கரின் மகள் அதிதி ஷங்கர், இந்தப் படம் மூலம் நாயகியாக அறிமுகமாகிறார். இதில், ராஜ்கிரண், பிரகாஷ்ராஜ், வடிவுக்கரசி, சரண்யா, கருணாஸ், சூரி உட்படப் பலர் நடித்துள்ளனர்.
இந்தப்படத்திற்கு யுவன் சங்கர் ராஜா இசை அமைத்துள்ளார். எஸ்.கே.செல்வகுமார் ஒளிப்பதிவு செய்துள்ள இந்தப் படத்தை நடிகர் சூர்யாவின் 2டி என்டர்டெயின்மென்ட் நிறுவனம் தயாரித்துள்ளது. வரும் 12ஆம் தேதி திரையரங்குகளில் வெளியாகும் இந்தப்படத்தின் 'கஞ்சா பூவு கண்ணால' பாடல் ஏற்கெனவே வெளியாகி ரசிகர்களிடையே வரவேற்பைப் பெற்றுள்ளது.