கிரிக்கெட் களத்தில் அலப்பறை செய்யும் விஜய் சென்னை: தமிழ் சினிமாவின் முன்னணி நடிகரான விஜய், கிரிக்கெட் களத்தில் சிக்ஸு சிக்ஸு என்று அலப்பறை செய்யும் வீடியோ இணையத்தில் வைரலாகி வருகிறது.
தமிழ் சினிமாவின் உச்ச நட்சத்திரமாக விளங்கும் நடிகர் விஜய் நடிப்பில் சமீபத்தில் வெளியான லியோ திரைப்படம், பல விமர்சனங்களைப் பெற்றாலும் வசூலில் சாதனை படைத்தது. இதனைத் தொடர்ந்து, தற்போது விஜய் வெங்கட்பிரபு இயக்கத்தில் GOAT என்ற படத்தில் நடித்து வருகிறார். இப்படத்தில் விஜய் இரட்டை வேடங்களில் நடிப்பதாக தகவல் வெளியாகியது. மேலும், அவருடன் சினேகா, மீனாட்சி சௌத்ரி, பிரசாந்த், பிரபுதேவா, மோகன், லைலா, பிரேம்ஜி, வைபவ் உள்ளிட்டோரும் நடிக்கின்றனர்.
இதையும் படிங்க:"சென்னை எனக்கு இரண்டாவது வீடு மாதிரி"- செய்தியாளர்கள் சந்திப்பில் நடிகை கத்ரினா கைஃப்!
இசையமைப்பாளர் யுவன் சங்கர் ராஜா இசையமைக்க, ஏஜிஎஸ் நிறுவனம் இப்படத்தை தயாரிக்கிறது. இப்படத்தின் படப்பிடிப்பு தாய்லாந்து, சென்னை, ஹைதராபாத் உள்ளிட்ட பல்வேறு இடங்களில் நடைபெற்று வருகிறது. இப்ப்டத்தின் படப்பிடிப்பை ஏப்ரல் மாதத்திற்குள் முடித்து விட்டு, மே மாதம் வெளியாகும் என்று கூறப்படுகிறது.
இந்த நிலையில், கடந்த ஆண்டு வெளியான வாரிசு படத்தின் படப்பிடிப்பின்போது, நடிகர் விஜய் கிரிக்கெட் களத்தில் பேட்டிங் அணிக்காக சண்டை போடும் வீடியோவை, பாடலாசிரியர் விவேக் தனது சமூக வலைத்தளப் பக்கத்தில் பகிர்ந்துள்ளார்.
அதில், நடிகர் விஜய் கிரிக்கெட் களத்தில் பாடலாசிரியர் விவேக் அடித்த பந்து சிக்ஸருக்கு சென்று விழுந்தது. இதனை ஒருவர் சிக்ஸ் இல்லை என்று மறுக்க, அதற்கு விஜய், “சிக்ஸு சிக்ஸு, நீ அடிச்சா சிக்ஸ்ஸா?, நீ அடிச்சயே பா சிக்ஸு. இது தான் அது” என்று சண்டை போட்டிருப்பது பதிவாகி உள்ளது. இந்த வீடியோ தற்போது சமூக வலைத்தளங்களில் வைரலாகி வருகிறது.
இதையும் படிங்க:செருப்படியிலிருந்து இளைஞர்கள் தப்பித்துக் கொள்ள இமெயில் உதவுகிறது - இயக்குநர் பாக்யராஜ்
