இயக்குநர் வம்சி இயக்கத்தில் விஜய் நடித்துள்ள திரைப்படம் 'வாரிசு'. ராஷ்மிகா மந்தனா, சரத்குமார், பிரபு, குஷ்பு என ஏராளமான நட்சத்திரங்கள் இப்படத்தில் நடித்துள்ளனர். இப்படத்திற்கு இசையமைப்பாளர் தமன் இசை அமைத்துள்ளார். தில் ராஜூ தயாரித்துள்ளார். இப்படம் தமிழ் மற்றும் தெலுங்கு ஆகிய மொழிகளில் வெளியாக உள்ளது.
கடந்த சில நாட்களுக்கு முன்னர் நடைபெற்ற இப்படத்தின் பாடல்கள் வெளியாகி நல்ல வரவேற்பைப் பெற்று வருகிறது. இந்நிலையில் பெரிதும் எதிர்பார்க்கப்பட்ட 'வாரிசு' படத்தின் ட்ரெய்லர் அப்டேட் புத்தாண்டு அன்றே வெளியாகும் என எதிர்பார்க்கப்பட்ட நிலையில், நாளை மாலை 5 மணிக்கு ட்ரெய்லர் வெளியாகவுள்ளதாக படக்குழு அறிவித்துள்ளது.