ஐதராபாத் : ரெட் சில்லீஸ் எண்டர்டெயின்மெண்ட் தயாரிப்பில் இயக்குநர் அட்லி இயக்கத்தில் ஷாருக்கான் நடித்துள்ள படம் ஜவான். இந்த படத்தில் நயன்தாரா, விஜய் சேதுபதி, யோகி பாபு, தீபீகா படுகோன் உள்ளிட்ட பலர் நடித்துள்ளனர். அனிருத் இசையமைத்துள்ள ஜவான் திரைப்படம் வருகின்ற செப்டம்பர் 7ஆம் தேதி திரைக்கு வரவுள்ளது.
தொடர் தோல்வி படங்களை கொடுத்த வந்த ஷாருக்கானுக்கு பதான் படம் மிகப் பெரிய வெற்றியாக அமைந்தது. பல்வேறு சர்ச்சைகளில் சிக்கிய போதும் படம் வெளியாகி வசூல் ரீதியாக பெரிய பெற்றது. தற்போது ஷாருக்கான் நடித்து வரும் ஜவான் பட ரிலீசுக்கு முன்னதாக, ஜப்பானில் பதான் படம் விரைவில் திரையிடப்பட உள்ளதாக தகவல் தெரிவிக்கப்பட்டு உள்ளது.
இதனால் ஷாருக்கான் இரட்டிப்பு மகிழ்ச்சியில் இருப்பதாக கூறப்படுகிறது. அதேநேரம் பதான் படத்தின் வெற்றி ஜவான் படத்தின் மீதான் எதிர்பார்ப்பையும் அதிகப்படுத்தி உள்ளதால், ரசிகர்கள் மிகுந்த ஆர்வத்தில் உள்ளனர். மறுபுறம், தமிழில் நடிகர் விஜய்யை வைத்து தெறி, மெர்சல், பிகில் ஆகிய படங்களை இயக்கிய அட்லி பாலிவுட்டில் இயக்கும் ஷாருக்கானை இயக்குகிறார் என்பதால் இந்த படத்திற்கு ஆரம்பம் முதலே ரசிகர்களிடம் எதிர்பார்ப்பு இருந்தது.