நயன்தாராவின் 'கனெக்ட்' படத்துக்கு கண்டிஷன் போடும் திரையரங்குகள்!

நயன்தாரா நடிப்பில் 'கனெக்ட்' திரைப்படத்தை திரையரங்குகளில் இடைவேளை இன்றி ஒளிபரப்ப திரையரங்கு உரிமையாளர்கள் மறுப்புத் தெரிவித்து வருகின்றனர்.

சென்னை:மாயா, கேம் ஓவர் போன்ற படங்களை இயக்கிய அஸ்வின் சரவணன் இயக்கத்தில் நயன்தாரா, வினய், சத்யராஜ் உள்ளிட்டோர் நடித்துள்ள திரைப்படம் 'கனெக்ட்'. இப்படத்தை விக்னேஷ் சிவன் மற்றும் நயன்தாராவின் ரவுடி பிக்சர்ஸ் நிறுவனம் தயாரித்துள்ளது. இப்படம் வருகிற 22ஆம் தேதி திரையரங்குகளில் வெளியாகிறது.

ஹாரர், த்ரில்லர் படமான இது வெறும் 98 நிமிடங்களே ஓடக்கூடியதாக எடுக்கப்பட்டுள்ளது. இப்படத்தைப் பார்த்த விமர்சகர்கள் வெகுவாகப் பாராட்டி வருகின்றனர். இந்த நிலையில் இப்படத்தை திரையரங்குகளில் இடைவேளை இன்றி ஒளிபரப்ப திரையரங்கு உரிமையாளர்கள் மறுப்புத் தெரிவித்து வருகின்றனர். இடைவேளை விட்டால்தான் எங்களுக்கு வியாபாரம் ஆகும் என்று கூறி வந்தனர்.

இதனையடுத்து பல்வேறு கட்ட பேச்சுவார்த்தைகளுக்குப் பிறகு இடைவேளை விட ’கனெக்ட்’ திரைப்படத்தின் தயாரிப்பு தரப்பு சம்மதித்துவிட்டதாக கூறப்படுகிறது. அதன்படி 59ஆவது நிமிடத்தில் திரையரங்குகளில் இடைவேளை விட்டுக் கொள்ளலாம் என்று முடிவு எடுக்கப்பட்டுள்ளது. ஒரு சில திரையரங்குகள் இடைவேளை வேண்டாம்‌ என்றும் கூறியுள்ளது குறிப்பிடத்தக்கது.

இதையும் படிங்க:மீண்டும் வசூல் அவதாரத்தை தொடங்கிய அவதார்; மூன்று நாட்களில் ரூ.3,500 கோடி கலெக்சன்