சென்னை:சின்னத்திரை நடிகர் சங்கத்திற்கு 3 ஆண்டுகளுக்கு ஒரு முறை தேர்தல் நடத்தப்படுவது வழக்கம். அதன்படி 2022-25ஆம் ஆண்டுக்கான தேர்தல் இன்று நடைபெற்று வருகிறது. நடிகர் ரவி வர்மா தலைமையில் உழைக்கும் கரங்கள் அணி, நடிகர் சிவன் ஸ்ரீநிவாஸ் தலைமையில் வசந்தம் அணி, நடிகர் என்.எஸ்.செல்வம் தலைமையில் புது உதயம் அணி தேர்தலில் போட்டியிடுகின்றனர்.
தலைவர், செயலாளர், பொருளாளர், 2 துணைத் தலைவர்கள், 14 செயற்குழு உறுப்பினர்கள் பதகளுக்கு இன்று தேர்தல் நடக்கிறது. ஓய்வு பெற்ற நீதிபதி கணேசன் தலைமையில் தேர்தல் நடைபெற்று வருகிறது. 2000 பேர் உறுப்பினர்களாக உள்ள சின்னத்திரை நடிகர் சங்கத்தில் 1,506 பேர் வாக்களிக்க தகுதி உள்ளவர்கள்.