'Women In Blue': ஜூலையில் வெளியாகிறது சபாஷ் மிது

இந்திய கிரிக்கெட் வீராங்கனை மிதாலி ராஜின் வாழ்க்கையை அடிப்படையாக கொண்டு நடிகை டாப்ஸி பன்னு நடிப்பில் உருவாகியிருக்கும் ’சபாஷ் மிது’ திரைப்படம் வரும் ஜூலை 15ஆம் தேதி வெளியாகவுள்ளதாக அறிவிக்கபட்டுள்ளது.

வியாகாம் 18 ஸ்டூடியோ தயாரிப்பில் ஸ்ரீஜித் முகர்ஜி இயக்கத்தில் நடிகை டாப்ஸி பன்னு மற்றும் பலர் நடிப்பில் உருவாகியுள்ள திரைப்படம் ”சபாஷ் மிது”. இந்தத் திரைப்படம் இந்திய வீராங்கனை மிதாலி ராஜின் வாழ்க்கையை அடிப்படையாக கொண்டு உருவாக்கப்பட்டுள்ளது. இப்படத்தின் ட்ரெய்லர் இன்று வெளியாகி ரசிகர்களிடையே பெறும் வரவேற்பைப் பெற்றுள்ளது.

இந்த திரைப்படத்தின் படப்பிடிப்பு கடந்த ஆண்டு தொடங்கப்பட்டது. பின்னர் கரோனா காரணங்களால் நிறுத்தப்பட்டு பின்னர் ஒரே கட்டமாக படப்பிடிப்பு முடிக்கப்பட்டது. மேலும் இந்தத் திரைப்படம் வரும் ஜூலை 15ஆம் தேதி திரையரங்குகளில் வெளியாக உள்ளது என அறிவிக்கப்பட்டுள்ளது.

இப்படத்தில் மிதாலி ராஜ் பாத்திரத்தில் டாப்ஸி நடித்துள்ளார். இந்த படத்தின் ட்ரெய்லரை மிதாலி ராஜ் தனது ட்விட்டர் பக்கத்தில், 'ஒரு விளையாட்டு, ஒரே நாடு, ஒரே லட்சியம்... என் கனவு! எனது கதையை உங்கள் அனைவருடனும் பகிர்ந்து கொள்வதில் மகிழ்ச்சி அடைகிறேன்!' எனப் பதிவிட்டுள்ளார்.

இதையும் படிங்க:ட்விட்டரில் பாராட்டு மழையில் 'சுழல் தி வோர்டெக்ஸ்'