நடிகர் சிவகார்த்திகேயன் நடித்து சமீபத்தில் வெளியான ’டான்’ திரைப்படம் ரசிகர்கள் மத்தியில் மாபெரும் வரவேற்பைப் பெற்றது. அதுமட்டுமின்றி மாபெரும் வசூலும் குவித்தது. இந்தப்படத்தில் எஸ்.கே, ஒரு கல்லூரி மாணவனாக நடித்திருந்தார்.
இந்நிலையில், அவர் நடித்து அடுத்து வெளிவரவிருக்கும் 'பிரின்ஸ்' திரைப்படம் வருகிற தீபாவளி அன்று வெளியிடப்படுமென அதிகாரப்பூர்வமாக இன்று (ஜூன் 21) அப்படக்குழுவினரால் அறிவிக்கப்பட்டுள்ளது.
இது ஒரு பக்கம் இருக்க, சிவகார்த்திகேயன் - வெங்கட் பிரபு இணையும் படத்தில் மீண்டும் கல்லூரி மாணவனாக அவதரிக்க உள்ளாராம் எஸ்.கே.; 'டான்' திரைப்படத்தைப் போலவே இந்தத் திரைப்படமும் ஒரு முழுக்க, முழுக்க கல்லூரியைப் பின்னணியாகக் கொண்ட படமாக இருக்குமென திரையுலக வட்டாரத்தில் பேசப்படுகிறது.
வெங்கட் பிரபு தற்போது தெலுங்கில் நாக சைதன்யாவை வைத்து ஒரு திரைப்படத்தை இயக்கவுள்ளார். சிவகார்த்திகேயனும் 'பிரின்ஸ்' படத்தையடுத்து, ராஜ்கமல் பிலிம்ஸ் தயாரிப்பில் இயக்குநர் ராஜ்குமார் பெரியசாமி இயக்கத்தில் நடிக்கவுள்ளார் என்பதும் குறிப்பிடத்தக்கது.
இதையும் படிங்க: Thalapathy 66 : வெளியானது 'வாரிசு' ஃபர்ஸ்ட் லுக்..!
