’என் அன்பு நண்பன் ’விஜி’ பூரண குணமடைந்து வீடு திரும்ப வேண்டும்..!’ - சத்யராஜ்

மருத்துவமனையில் அனுமதிக்கப்பட்டுள்ள நடிகர் விஜயகாந்த் விரைவில் குணமடைய வேண்டுமென வாழ்த்தி நடிகர் சத்யராஜ் காணொலி ஒன்றை வெளியிட்டுள்ளார்.

நடிகர் விஜயகாந்த் சமீபத்தில் உடல்நலக்குறைவால் மருத்துவமனையில் அனுமதிக்கப்பட்டுள்ளார். இதனையடுத்து, அவர் விரைவில் பூரண குணமடைய வேண்டுமென ரசிகர்கள், கட்சித் தொண்டர்கள், மற்றும் திரையுலகத்தினர் வேண்டி வாழ்த்தி வருகின்றனர்.

அந்த வகையில், இன்று(ஜூன் 22) நடிகர் சத்யராஜ் விரைவில் நடிகர் விஜயகாந்த் குணமடைய வேண்டுமென வாழ்த்தி காணொலி ஒன்றை வெளியிட்டுள்ளார். அதில், “ எல்லோராலும் கேப்டன் என அழைக்கப்படும் என் இனிய நண்பன் விஜி பூரண குணமடைந்து விரைவில் வீடு திரும்ப வேண்டுமென்று மனமார வாழ்த்துகிறேன்” எனப் பேசியுள்ளார்.