Thalapathy 67: லோகேஷ் கனகராஜ் இயக்கத்தில் விஜய்யுடன் ஜோடி சேரும் சமந்தா..?

இயக்குநர் லோகேஷ் கனகராஜ் இயக்கத்தில் நடிகர் விஜய் நடிக்கவிருக்கும் ‘தளபதி 67’ படத்தில் விஜய்யுடன் நடிகை சமந்தா ஜோடி சேரவிருப்பதாகத் தகவல்கள் வெளியாகியுள்ளன.

நடிகர் விஜய் நடிப்பில், தெலுங்கு இயக்குநர் வம்சி இயக்கத்தில் உருவாகி வரும் ‘தளபதி 66’ படத்தின் ஃபர்ஸ்ட் லுக் விஜய் பிறந்த நாளான வருகிற ஜூன் 22அன்று வெளியாகும் என ரசிகர்களால் எதிர்பார்க்கப்பட்டாலும், அதை விட ரசிகர்களின் அதிக கவனம் நடிகர் விஜய் அடுத்ததாக இயக்குநர் லோகேஷ் கனகராஜ் இயக்கத்தில் நடிக்கவிருக்கும் ‘தளபதி 67’ பக்கமே உள்ளது.

இதற்கு லோகேஷின் முந்தைய வெற்றிப் படங்களும், அவரின் சமீபத்தியே ‘விக்ரம்’ பட வெற்றியுமே காரணம் எனலாம். இந்நிலையில், அதே ஜூன் 22 அன்று, ‘தளபதி 67’ படத்தின் அப்டேட்டும் வெளியாகி தங்களுக்கு 'டபுள் ட்ரீட்’ கிடைக்குமெனவும் விஜய் ரசிகர்கள் மிகுந்த ஆவலுடன் உள்ளனர்.

இந்நிலையில், அந்தப்படத்தில் விஜய்க்கு ஜோடியாக நடிகை சமந்தா நடிக்கவிருப்பதாகத் தகவல் கசிந்துள்ளது. இதற்கான அதிகாரப்பூர்வ அறிவிப்பு ஜூன் 22 அன்று வருமென எதிர்பார்க்கலாம். ஏற்கெனவே இந்தப்படத்தில் வழக்கமான விஜய் படங்கள் போல் பாட்டோ, அல்லது எந்தவித அம்சமோ இல்லாமல் முழுக்க முழுக்க ஓர் லோகேஷ் கனகராஜ் படமாக இருக்கும் என லோகேஷ் கூறியிருந்தது குறிப்பிடத்தக்கது.