சென்னை:தமிழ் சினிமாவில் முன்னணி இசை அமைப்பாளராகவும், நடிகராகவும் வலம் வருபவர், ஜி.வி பிரகாஷ் குமார். இவரது நடிப்பில் தற்போது ஏராளமான படங்கள் தயாராகி வருகிறது. அந்த வகையில், ஜி.வி பிரகாஷ் குமார் முதன்மை கதாபாத்திரத்தில் நடித்திருக்கும் 'REBEL' படத்தின் ஃபர்ஸ்ட் லுக் போஸ்டரை படக்குழு வெளியிட்டிருக்கிறது. இதனை சிம்பு தனது இணைய பக்கத்தில் வெளியிட்டு உள்ளார்.
அறிமுக இயக்குநர் நிகேஷ் ஆர்.எஸ்.இயக்கத்தில் ஸ்டுடியோ கிரீன் நிறுவனம் சார்பில் தயாரிப்பாளர் ஞானவேல் ராஜா தயாரிப்பில் உருவாகுகிறது, 'REBEL' படம். ஜி.வி.பிரகாஷ் குமார், மமிதா பைஜூ, கருணாஸ், சுப்பிரமணிய சிவா, ஷாலு ரஹீம், வெங்கடேஷ் வி.பி, ஆதித்யா பாஸ்கர், கல்லூரி வினோத், ஆதிரா உள்ளிட்ட பலர் முக்கிய கதாபாத்திரத்தில் நடித்து உள்ளனர்.
இந்த படத்திற்கு அருண் ராதாகிருஷ்ணன் ஒளிப்பதிவு செய்கிறார். ஜி.வி.பிரகாஷ் குமார் இசையமைத்திருக்கிறார். இதில் பணிபுரியும் தொழில்நுட்ப வல்லுநர்களான எடிட்டர் வெற்றி கிருஷ்ணன், ஆர்ட் டைரக்டர் உதயா, சண்டை பயிற்சியாளர் சக்தி சரவணன் ஆகியோர் படத்தில் இணைந்து உள்ளனர். உண்மை சம்பவங்களை தழுவி எடுக்கப்பட்ட அதிரடி ஆக்சன் கலந்த படமாக இப்படம் உருவாகுகிறது.