சென்னை: நடிகர் ரஜினிகாந்தின் மக்கள் மன்ற நிர்வாகியாக இருந்தவர், சுதாகர் (71). இவருக்கு மனைவி மற்றும் 2 குழந்தைகள் உள்ளனர். ரஜினிகாந்த் அரசியலில் இருந்து விலகியதால், தனது மக்கள் மன்றத்தை ரசிகர் மன்றமாக மாற்றினார். இந்த நிலையில் சுதாகர் கடந்த சில ஆண்டுகளாக சுதாகர் உடல்நிலை சரியில்லாமல் இருந்து வந்தார்.
அப்போது ரஜினிகாந்த் சுதாகருக்கு உதவவில்லை என்று சமூக வலைதளங்களில் தகவல் பரவியது. ஆனால் சுதாகர் அதனை மறுத்திருந்தார். ரஜினி தனக்கு எப்போதும் தார்மீக உதவி செய்யத் தவறியதில்லை என்றும் தெரிவித்திருந்தார். இந்த நிலையில் இன்று (ஜன.6) சுதாகர் உடல்நலக்குறைவு காரணமாக காலமானார்.