இயக்குநர் பா. இரஞ்சித்தின் இயக்கத்தில் , நடிகர்கள் துஷாரா விஜயன், காளிதாஸ் ஜெயராம், கலையரசன் மற்றும் பலர் நடித்து சமீபத்தில் திரையரங்குகளில் வெளியான திரைப்படம் தான் ’நட்சத்திரம் நகர்கிறது’. ஆணவக்கொலை, தன்பாலின ஈர்ப்பாளர்கள், சமீப கால காதல், சாதியம் என பல கருத்துகளை ஒரு பின்நவீனத்துவ அணுகுமுறையோடு எடுக்கப்பட்ட திரைப்படம் தான் ‘நட்சத்திரம் நகர்கிறது’ .
இயக்குநர் பா. இரஞ்சித் தன் வழக்கமான பாணியைத் தாண்டியும் ஒரு பரிட்சாத்திய முறையில் இப்படத்தை அணுகியுள்ளார். இந்தத் திரைப்படம் ரசிகர்கள் மத்தியிலும், விமர்சகர்கள் மத்தியிலும் நல்ல வரவேற்பைப் பெற்று வரும் நிலையில், தற்போது இந்தப் படத்தைக் கண்ட நடிகர் ரஜினிகாந்த் இயக்குநர் பா. இரஞ்சித்தை வெகுவாகப் பாராட்டியுள்ளார்.