கர்நாடகா: கடந்த ஆண்டு மாரடைப்பால் மறைந்த கன்னட சூப்பர் ஸ்டார் புனீத் ராஜ்குமாரை(46) கடைசியாக திரையில் காண்பிக்கும் ஆவணத் திரைப்படம் ‘கந்தாத குடி’ திரையரங்குகளில் வெளியாகி ரசிகர்களிடம் அமோக வரவேற்பை பெற்று வருகிறது.
இயக்குநர் அமோஹவர்ஷா இயக்கத்தில் தயாராகியுள்ள இந்த ஆவணத் திரைப்படம் கர்நாடகாவில் மட்டும் சுமார் 225 திரையரங்குகளில் வெளியிடப்பட்டுள்ளது. பல பகுதிகளில் நேற்றே(அக்.27) இந்தத் திரைப்படத்திற்கான பிரத்யேகக் காட்சிகள் திரையிட திட்டமிடப்பட்டது. அதிகாலையிலேயே அலைகடலென புனீத் ரசிகர்கள் திரையரங்குகளைப் படையெடுத்து தங்களது ஆஷ்தான நாயகனை இறுதியாகத் திரையில் கண்டு நெகிழ்ந்தனர்.
வெளியானது புனீத் ராஜ்குமாரின் ஆவணத் திரைப்படம் ; ரசிகர்கள் ஆரவாரம்