மும்பை: சித்தார்த் ஆனந்த் இயக்கத்தில் ஜனவரி மாதம் 25ஆம் தேதி உலகம் முழுவதும் வெளியானது பதான் திரைப்படம். ரசிகர்கள் மத்தியில் பெரும் எதிர்பார்ப்பை ஏற்படுத்திய இப்படம், வெற்றிகரமாக திரையில் ஓடிக்கொண்டிருக்கிறது. தீபிகா படுகோன், சல்மான் கான், ஜான் ஆப்ரஹாம், டிம்பிள் கபாடியா உள்ளிட்டோர் நடித்துள்ளதால், கூடுதல் கவனம் பெற்றுள்ளது.
உலகளவில் 12 நாட்களில் இந்த படம், ரூ.832 கோடியை வசூலித்துள்ளதாக, யாஷ் ராஜ் ஃபிலிம்ஸ் தயாரிப்பு நிறுவனம் தெரிவித்துள்ளது. வெளிநாடுகளில் ரூ.317.20 கோடியும், இந்தியாவில் ரூ.515 கோடியும் வசூல் செய்துள்ளதாக தயாரிப்பு நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.
பதான் திரைப்படம் அசுர வேகத்தில் 400 கோடி ரூபாய் கிளப்பில் இணைந்துள்ளதாக, சினிமா விமர்சகர் தரன் ஆதர்ஷ் தனது டிவிட்டர் பக்கத்தில் குறிப்பிட்டுள்ளார். அமீர்கான் நடிப்பில் வெளியான தங்கல் படம், ரூ.374 கோடியை வசூலித்திருந்த நிலையில், அந்த சாதனையை ரூ.382 கோடி வசூலுடன் கடந்த சனிக்கிழமை பதான் படம் முறியடித்தது.
இதுவரை நாடு முழுவதும் இப்படம் ரூ.515 கோடியை வசூலித்துள்ள நிலையில், வரும் நாட்களில் வசூலில் சாதனை படைக்கும் என எதிர்பார்க்கப்படுகிறது. ஷாருக்கான் நடிப்பில் 4 ஆண்டுகளுக்கு பிறகு வெளியாகியுள்ள பதான் படம், வெற்றிகரமாக திரையில் ஓடிக்கொண்டிருப்பதால் அவரது ரசிகர்கள் உற்சாகம் அடைந்துள்ளனர்.
இதையும் படிங்க: பதான் படம் 11 நாட்களில் ரூ.780 கோடி வசூல் சாதனை.. மீண்ட பாலிவுட் திரையுலகம்..
