சென்னை:தமிழ் சினிமாவின் முன்னணி நடிகையான நயன்தாரா ரசிகர்களுடன் தொடர்ந்து இணைப்பில் இருக்கும் விதமாக,
பிரபல சமூல வலைதளமான இன்ஸ்டாகிராமில் இணைந்து உள்ளார். நயன்தாரா இன்ஸ்டாகிராம் பக்கம் தொடங்கிய நொடியில், உலகம் முழுவதில் இருந்து, ரசிகர்கள் அவரை பின்தொடர தொடங்கி உள்ளனர்.
தமிழ் சினிமாவில் முன்னணி நடிகையாக இருக்கும் நயன்தாரா தற்போது ஷாருக்கான் உடன் ஜவான் படத்தில் நடித்துள்ளார்.
தென்னிந்திய திரையுலகில் ரஜினிகாந்த் உடன் இவர் நடித்த சந்திரமுகி படத்தின் பிரமாண்ட வெற்றிக்குப் பிறகு, அவர் தொடந்து நடித்த அனைத்துப் படங்களும் ப்ளாக்பஸ்டர் படங்களாக அமைந்தன. ரஜினிகாந்த், விஜய், அஜித், தெலுங்கில் சிரஞ்சீவி, பவன் கல்யாண் என பிரபல நடிகர்களின் முதல் சாய்ஸாக மாறினார் நயன்தாரா.
முன்னணி டாப் நடிகர்கள் அனைவருடனுடன் இணைந்து ப்ளாக்பஸ்டர் படம் தந்த பெருமை கொண்ட நயன்தாரா, தென்னிந்திய சினிமாவின் நம்பர் 1 நடிகையாக வலம் வருகிறார். நாயகர்களுக்கு சமமாக பெண் கதாபாத்திரங்களை மையமாக கொண்ட கதைகளில் இவர் நடித்த, மாயா, அறம், கோலமாவு கோகிலா படங்கள் ப்ளாக்பஸ்டர் படங்களாக வெற்றி பெற்றன. நாயர்களுக்கு இணையாக நயன்தாராவிற்கென தனி மார்க்கெட் உருவானது.
அனைவராலும் லேடி சூப்பர் ஸ்டாராக கொண்டாடப்பட்டார் நயன்தாரா. 20 வருடங்களுக்கு மேலாக தென்னிந்திய திரையுலகின் முடிசூடா ராணியாக விளங்கி வருகிறார் நயன்தாரா. அட்லியின் இயக்கத்தில் பிரமாண்ட பான் இந்திய திரைப்படமாக உருவாகியுள்ள ஜவான் வரும் செப்டம்பர் 7 ஆம் தேதி உலகமெங்கும் வெளியாகவுள்ளது.
கடந்த ஆண்டு ஜூன் மாதம் திருமணம் செய்து கொண்ட நயன்தாரா - விக்னேஷ் சிவன் தம்பதி, அக்டோபர் மாதம் வாடகைத் தாய் மூலம் இரட்டைக் குழந்தைகளைப் பெற்று பெற்றோர் ஆனர். தனது குழந்தைகளுக்கு உயிர் ருத்ரோ நீல் மற்றும் உலக் தெய்வக் என பெயரிட்டுள்ள நயன்தாரா மற்றும் விக்னேஷ் சிவன் தம்பதி, தொடர்ந்து குழந்தைகளின் புகைப்படங்களை இணையத்தில் பதிவிட்டு வருகின்றனர்.
ஓணம் பண்டிகை முன்னிட்டு சமீபத்தில் நடிகர் விக்னேஷ் சிவன், தனது இரட்டைக் குழந்தைகளுடன் வீட்டில் கொண்டாடப்பட்ட ஓணம் புகைப்படங்களை இணையத்தில் வெளியிட்டார். இந்த நிலையில் தற்போது தன் ரசிகர்களை மகிழ்விக்கும் விதமாக அவர்களுடன் தொடர்ந்து உரையாடும் நோக்கில் இன்ஸ்டாகிராமில் இணைந்துள்ளார்.
உலகம் முழுக்கவுள்ள ரசிகர்கள் நயன்தாராவிற்கு வாழ்த்து தெரிவித்து அவரது சமூக வலைத்தள பக்கத்தை ஃபாலோ செய்து வருகின்றனர். கணக்கு தொடங்கிய சில மணி நேரங்களிலேயே ஃபாலோயர்கள் குவிந்து வருகின்றனர். முதல் போஸ்ட்டாக தனது மகன்களை கையில் வைத்துக் கொண்டு ஜெயிலர் படத்தில் வரும் அலப்பறை கிளப்புறோம் என்ற பாடல் பின்னணியில் ஒலிக்க நடந்து வரும் நயன்தாராவின் வீடியோ சமூக வலைதளத்தில் வைரலாகி வருகிறது.
இதுவரை நயன்தாரா - விக்னேஷ் சிவன் தம்பதி தனது இரு குழந்தைகளின் முகத்தை காண்பிக்காதவாறு புகைப்படங்களை வெளியிட்ட நிலையில் தற்போது தனது குழந்தைகளின் முகத்தை வெளியுலகிற்கு தெரியுமாறு வீடியோ வெளியிட்டுள்ளனர் என்பது குறிப்பிடத்தக்கது.
இதையும் படிங்க:Jawan audio launch: ஜவான் இசை வெளியீட்டு விழாவில் கலகலப்பாக பேசிய ஷாருக்கான்
