நடிகர் ரஜினிகாந்தின் 72ஆவது பிறந்தநாளை அவரது ரசிகர்கள் கொண்டாடி வருகின்றனர். இந்நிலையில் ரசிகர்களை உற்சாகத்தில் ஆழ்த்தும் விதமாக, இயக்குநர் நெல்சன் இயக்கத்தில் சன் பிக்சர்ஸ் தயாரிப்பில் ரஜினி நடித்து வரும் ஜெயிலர் படத்தின் ஸ்பெஷல் வீடியோ ஒன்றை வெளியிடவுள்ளதாக படக்குழு அறிவித்தது.
இதுகுறித்து நேற்று வெளியிடப்பட்ட அறிவிப்பில் ஜெயிலர் படத்தில் ரஜினியின் கதாப்பாத்திர பெயரை பதிவிட்டு, ’முத்துவேல் பாண்டியன் வருகிறார்’ என ஒரு போஸ்டர் வெளியிடப்பட்டது. அதன்படி தற்போது, ஜெயிலர் படத்தில் ரஜினியின் கதாப்பாத்திரத்தின் லுக்கை வீடியோவாக படக்குழுவினர் வெளியிட்டுள்ளனர். இந்த வீடியோவை ரசிகர்கள் கொண்டாடி வருகின்றனர்.