கலவையான விமர்சனம் எதிரொலி; நீளத்தை குறைத்த கோப்ரா படக்குழு!

பலத்த எதிர்பார்ப்புகளுக்கு மத்தியில் நேற்று வெளியான கோப்ரா திரைப்படத்தின் நீளம் ரசிகர்களை சலிப்படைய செய்ததால் படக்குழு தற்போது படத்தின் நீளத்தை குறைத்துள்ளது.

சென்னை:அஜய் ஞானமுத்து இயக்கத்தில் நடிகர் விக்ரம் பல்வேறு வேடங்களை ஏற்று நடித்துள்ள படம் கோப்ரா. இப்படத்திற்கு ஏ.ஆர்.ரகுமான் இசை அமைத்துள்ளார். மீனாட்சி, ஸ்ரீ நிதி ஷெட்டி, மிருணாளினி உள்ளிட்டோர் நடித்துள்ளனர். இப்படம் நேற்று திரையரங்குகளில் வெளியானது. படம் வெளியாகி கலவையான விமர்சனங்களைப் பெற்று வருகிறது. மேலும் இப்படத்தில் நீளம் அதிகம் என்று ரசிகர்கள் சமூக வலைத்தளங்களில் பதிவிட்டு வந்தனர்.

இதனையடுத்து இப்படத்தின் 20 நிமிட காட்சிகள் குறைக்கப்பட்டுள்ளதாக தயாரிப்பாளர் தரப்பு தெரிவித்துள்ளது. இதுகுறித்து இப்படத்தின் தயாரிப்பு நிறுவனமான 7 ஸ்கிரீன் புரொடக்சன்ஸ் தனது ட்விட்டர் பக்கத்தில் ரசிகர்கள், பத்திரிகையாளர்கள், விநியோகஸ்தர்கள் படத்தின் நீளம் குறித்து தெரிவித்திருந்தனர்.

இதனை தொடர்ந்து இன்று முதல் படத்தின் 20 நிமிட காட்சிகள் குறைக்கப்பட்டுள்ளன. இன்று மாலை முதல் குறைக்கப்பட்ட காட்சிகளுடன் திரைப்படம் திரைப்படங்களில் ஒளிபரப்பப்படும் என்று தெரிவித்துள்ளார்.

கலவையான விமர்சனம் எதிரொலி; கோப்ரா படநீளத்தை குறைத்த படக்குழு!

இதையும் படிங்க:வெற்றி மாறனின் ‘விடுதலை’ படத்தை வெளியிடும் ரெட் ஜெயன்ட்