மீண்டும் மாறிய ‘மாமனிதன்’ ரிலீஸ் தேதி

சீனு ராமசாமி இயக்கத்தில் விஜய் சேதுபதி நடித்துள்ள ‘மாமனிதன்’ திரைப்படத்தின் ரிலீஸ் தேதி மீண்டும் மாற்றி அறிவிக்கப்பட்டுள்ளது.

ஸ்டூடியோ 9 சார்பில் ஆர்.கே. சுரேஷ் தயாரித்துள்ள படம் 'மாமனிதன்'. இந்தப் படத்தில் கதாநாயகனாக விஜய் சேதுபதியும், கதாநாயகியாக காயத்ரியும் நடித்துள்ளனர். இப்படத்தை யுவன் சங்கர் ராஜா தயாரித்து, இசையமைத்துள்ளார்.

மேலும், இளையராஜாவும் இப்படத்திற்கு இசையமைத்துள்ளார். இப்படத்தின் மூலம் தென்மேற்குப் பருவக்காற்று, தர்மதுரை, இடம் பொருள் ஏவல் படங்களைத் தொடர்ந்து விஜய் சேதுபதி 4ஆவது முறையாக சீனு ராமசாமியுடன் கூட்டணி வைத்துள்ளார்.

இதனால் இப்படத்தின் பாடல்களுக்கு ரசிகர்கள் மத்தியில் எதிர்பார்ப்பு நிலவி வருகிறது. பல்வேறு ரிலீஸ் தேதி அறிவிக்கப்பட்டு இப்படம் கடைசியாக மே 20ஆம் தேதி திரையரங்குகளில் வெளியாகும் என
அறிவிக்கப்பட்டிருந்தது.

இந்நிலையில், திடீரென படத்தின் ரிலீஸ் தேதி மாற்றப்பட்டுள்ளது. தற்போது அடுத்த மாதம் 23ஆம் தேதி திரையரங்குகளில் வெளியாகும் என்று அறிவிக்கப்பட்டுள்ளது.

இதையும் படிங்க:’நெஞ்சுக்கு நீதி’ வெற்றி - இயக்குனருக்கு உதயநிதி நன்றி!