சென்னை: இ.வி.கணேஷ்பாபு தயாரித்து, இயக்கி, கதாநாயகனாக நடித்திருக்கும் "கட்டில்" திரைப்படம், நவம்பர் 24ஆம் தேதி மிக திரையரங்குகளில் வெளியாகும் என அறிவிப்பு வெளியாகியுள்ளது. மேலும் இப்படத்தில் சிருஷ்டி டாங்கே கதாநாயகியாக நடித்துள்ளார். இத்திரைப்படத்திற்கு ஸ்ரீகாந்த்தேவா இசையமைக்க, வைரமுத்து மற்றும் மதன் கார்க்கி பாடல்கள் எழுதி இருக்கிறார்கள்.
இப்படம் திரையரங்குகளில் வெளியாகும் முன்னறே பல்வேறு சர்வதேச திரைப்பட விழாக்களில் பங்கேற்று, பல விருதுகளைப் பெற்றுள்ளது. அதனால் இப்படம் குறித்து மக்களிடையே அதிக எதிர்பார்ப்பை ஏற்படுத்தி இருப்பதாக, இப்படத்தின் இயக்குநர் இ.வி.கணேஷ்பாபு தெரிவித்துள்ளார்.
மேலும் இப்படத்தில் கவிஞர் சினேகனின் மனைவி கன்னிகாவும் நாயகியாக நடித்துள்ளார். முன்னதாக இயக்குநர் கணேஷ்பாபு இயக்கிய "கருவறை" என்ற குறும்படத்தின் இசைக்காக, இசை அமைப்பாளர் ஸ்ரீகாந்த் தேவாவுக்குத் தேசிய விருது அறிவிக்கப்பட்டு இருந்தது.
மேலும் இந்த ஆண்டு சிறந்த ஆவணப்படத்திற்கான தேதியை விருது அறிவிக்கப்பட்ட, இயக்குநர், படத்தொகுப்பாளர், எழுத்தாளர் எனப் பன்முகத்தன்மை கொண்ட பி.லெனின், "கட்டில்" படத்தில் பணியாற்றி உள்ளார். இப்படத்தின் கதை, திரைக்கதை, வசனம், படத்தொகுப்பு ஆகிய பணிகளை இவர் மேற்கொண்டிருப்பது குறிப்பிடத்தக்கது.