சென்னை:ஒரே நேரத்தில் புலியாகவும், பட்டாம்பூச்சியாகவும் மாறும் மனிதனைப் பற்றிய கதைதான் புலிமடா. ஜோஜு ஜார்ஜ் நடிப்பில் வெளியாக உள்ள இந்த படம் வெளியாவதற்கு முன்பே ரசிகர்களிடம் மிகுந்த வரவேற்பைப் பெற்றுள்ளது. ஏற்கனவே புலிமடா படத்தின் பர்ஸ்ட் லுக் போஸ்டர் மற்றும் டீசர் வெளியாகி பெரும் வரவேற்பை பெற்றது. புலிமடாவில் ஜோஜூ ஜார்ஜ் உடன் ஐஸ்வர்யா ராஜேஷ் மற்றும் லிஜோமோல் நடிக்கின்றனர்.
மலையாளத்தில் பல நல்ல படங்களைக் கொடுத்த ஏ.கே.சாஜன், புலிமடா படத்தை எழுதி, இயக்கி மற்றும் எடிட் செய்துள்ளார். ஐன்ஸ்டீன் மீடியா மற்றும் லேண்ட் சினிமாஸ் பேனரில் ஐன்ஸ்டீன் சேக் பால் மற்றும் ராஜேஷ் தாமோதரன் ஆகியோர் இந்த படத்தை தயாரித்துள்ளனர். முன்னதாக இயக்குநர் ஜோஷி இயக்கத்தில் ஜோஜு ஜார்ஜ் நடித்திருந்த ஆண்டனி படத்தையும் ஐன்ஸ்டீன் மீடியா தயாரித்திருந்தது.
கடந்த ஆண்டு வெளியாகி பிளாக்பஸ்டர் ஹிட் அடித்த இரட்டா படத்திற்குப் பிறகு ஜோஜு ஜார்ஜ் நடிப்பில் வெளியாகும் படம் என்பதால் புலிமடா படத்தின் மீது அதிக எதிர்பார்ப்பு நிலவுகிறது. பத்து வருட இடைவெளிக்குப் பிறகு பிரபல ஒளிப்பதிவாளர் வேணு இந்த படத்துக்கு ஒளிப்பதிவு செய்கிறார். வெறும் 60 நாட்களில் ஒரே ஷெட்யூலில் மிகப்பெரிய நட்சத்திர பட்டாளத்தைக் கொண்டு படமாக்கப்பட்ட மிகப்பெரிய பட்ஜெட் படம் புலிமடா ஆகும்.