சென்னை: நடிகர் சிவகார்த்திகேயன் நடிப்பில் கடந்த ஆண்டு தீபாவளிக்கு வெளியான திரைப்படம் பிரின்ஸ். இப்படம் கலவையான விமர்சனங்களைப் பெற்றது. இந்த நிலையில் சிவகார்த்திகேயன் அடுத்து சாந்தி டாக்கீஸ் சார்பில் அருண் விஸ்வா தயாரிக்கும் புதிய படத்தில் நடித்து வருகிறார்.
இப்படத்தை இயக்குநர் மடோன் அஸ்வின் இயக்கியுள்ளார். இவர் யோகி பாபு நடித்து வெளியான மண்டேலா படத்தை இயக்கியவர். மேலும் மண்டேலா படத்துக்காக சிறந்த அறிமுக இயக்குநருக்கான தேசிய விருது பெற்றார்.
இவர் தற்போது சிவகார்த்திகேயனை வைத்து "மாவீரன்" என்ற படத்தை இயக்கி வருகிறார். இப்படத்தின் படப்பிடிப்பு கடந்த ஆண்டு ஆகஸ்ட் மாதம் தொடங்கியது. இப்படத்தில் நடிகை அதிதி ஷங்கர் கதாநாயகியாக நடிக்கிறார். இப்படத்தில் இயக்குநர் மிஷ்கின் ஓர் முக்கிய கதாபாத்திரத்தில் நடித்து வருகிறார்.