சர்வதேச விருதுகளை பெற்ற குழலி ரிலீஸ் தேதி அறிவிப்பு!

சர்வதேச அளவில் விருதுகளை பெற்ற குழலி படத்தின் ரிலீஸ் தேதி அறிவிக்கப்பட்டுள்ளது.

முக்குழி மூவிஸ் வழங்கும் ஜெயராமன் தயாரிப்பில் கலையரசன் இயக்கியுள்ள திரைப்படம் 'குழலி'. இப்படத்தில் 'காக்கா முட்டை' விக்னேஷ் நாயகனாகவும் ஆரா நாயகியாகவும் நடித்துள்ளனர்.

இத்திரைப்படம் சர்வதேச திரைப்பட விழாக்களில் பங்கெடுத்து சிறந்த திரைப்படத்திற்கான விருது , விமர்சன ரீதியான திரைப்படத்திற்கான விருது , பின்னணி இசைக்கான விருது , சிறந்த நடிகைக்கான விருது என 16 விருதுகளை பெற்றது.

இப்படம் வரும் 23ஆம் தேதி அன்று திரைக்கு வர இருக்கிறது. "குழலி" திரைப்படம் முற்றிலும் கிராமத்து எதார்த்த முகங்களோடு திரைப்படமாக உருவாகி உள்ளது .

இப்படத்திற்கு உதயகுமார் என்பவர் இசையமைக்க, கார்த்திக் நேத்தா , தனிக்கொடி , ராஜாகுருசாமி மற்றும் ஆக்னஸ் தமிழ்செல்வன் ஆகியோர் பாடல்களை எழுதியுள்ளனர்.

இதையும் படிங்க: 'பிக்பாஸ் பிரபலம்' ரம்யா பாண்டியன் புகைப்படத் தொகுப்பு