நடிகர் கமல்ஹாசன் நடிப்பில் கடந்த வெள்ளியன்று வெளியான ‘விக்ரம்’ திரைப்படம் உலகம் முழுவதும் ரசிகர்கள் மத்தியிலும், மக்கள் மத்தியிலும் மிகுந்த வரவேற்பைப் பெற்று வருகிறது. இயக்குநர் லோகேஷ் கனகராஜ் இயக்கத்தில் வெளியாகியுள்ள இத்திரைப்படம் வசூல் ரீதியாகவும் நல்ல வரவேற்பைப் பெற்று வருகிறது.
இந்நிலையில் இந்த படத்தில் 1995ஆம் ஆண்டு அசுரன் திரைப்படத்தில் வெளியான ”சக்கு சக்கு வத்திக்குச்சி” என்னும் பாடல் இடம்பெற்றுள்ளது. தற்பொழுது இந்தப் பாடல் சமூக வலைதளங்களில் வைரலாகி வருகிறது. இந்தச் சூழலில் இந்தப் பாடல் வைரல் ஆவது குறித்து ஹாரிஸ் ஜெயராஜ் ட்வீட் ஒன்றைப் பதிவிட்டுள்ளார்.