விஜய் சேதுபதியின் 'மாமனிதன்' ரிலீஸ் தேதி மாற்றம்!

சீனு ராமசாமி இயக்கியுள்ள மாமனிதன் படத்தின் ரிலீஸ் தேதி மாற்றப்பட்டுள்ளது.

சென்னை: ஸ்டூடியோ 9 சார்பில் ஆர்.கே. சுரேஷ் தயாரித்துள்ள படம் 'மாமனிதன்'. இந்தப் படத்தில் ஹீரோவாக விஜய் சேதுபதியும், ஹீரோயினாக காயத்ரியும் நடித்துள்ளனர். இப்படத்தின் இசை வெளியீட்டு விழா புதுச்சேரியில் நடந்தது.

இப்படம் மே 20ஆம் தேதி திரையரங்குகளில் வெளியாகும் என அறிவிக்கப்பட்டிருந்தது. இந்த நிலையில், திடீரென படத்தின் ரிலீஸ் தேதி மாற்றப்பட்டுள்ளது. இதுகுறித்து ஆர்.கே.சுரேஷ் தனது ட்விட்டரில் பதிவிட்டுள்ள்ளார்.

அந்தப் பதிவில் 'விஜய் சேதுபதி நடித்துள்ள படங்கள் அடுத்தடுத்து வெளியாவதால், 'மாமனிதன்' படத்தின் வெளியீடு மே 20ஆம் தேதியில் இருந்து ஜூன் 24ஆம் தேதிக்குத் தள்ளி வைக்கப்படுகிறது.

தமிழ்நாடு முழுவதும் 400 திரையரங்குகளில் வெளியிட 'மாமனிதன்' தகுதியான படம். அனைத்துத் திரையரங்க உரிமையாளர்கள் மற்றும் விநியோகஸ்தர்களிடம் மனப்பூர்வமாக மன்னிப்புக் கேட்டுக்கொள்கிறேன்' என்று தெரிவித்துள்ளார்.

இதையும் படிங்க: மாமனிதன் படத்தின் முதல் பாடல் வெளியீடு